Madridning “Real” klubi bosh murabbiyi Karlo Anchelottining jamoadagi kelajagi so’roq ostida turibdi.
AS xabariga ko’ra, italiyalik mutaxassis ishdan bo’shatilsa, uning o’rniga Madrid klubi direktori Santyago Solari “Real” boshqaruviga kelishi mumkin.
Qayd etilishicha, Solari hozirda “Bayer”ni boshqarayotgan Xabi Alonso jamoaga kelgunga qadar vaqtinchalik bosh murabbiy vazifasini o’taydi.
Ma’lumot uchun, Solari 2000-yildan 2005-yilgacha “Qirollik klubi” sharafini himoya qilgan, shuningdek, 2018-yilning oktyabridan 2019-yilning martigacha Madrid jamoasini boshqargan.
Uning qo’l ostida jamoa 31 ta uchrashuv o’tkazib, 21 tasida g’alaba qozongan, 2 bor durang o’ynagan va 8 marta mag’lubiyat alamini totib ko’rgan.
