Saudiyaning “An-Nasr” klubi futbolchisi Aymerik Lyaport faoliyatini Madridning “Real” klubida davom ettirishi mumkin.
Avvalroq, “Real” ispaniyalik himoyachini qishki transferlar oynasida o’z safiga qo’shib olmoqchi ekanligi haqida ma’lumotlar paydo bo’lgandi.
“Albatta, “Real”dan kelgan taklifni o’ylab ko’rgan bo’lardim. Bunday klublarni e’tiborsiz qoldirib bo’lmaydi”, – deydi Lyaport.
Ma’lumot uchun, Aymerik joriy mavsum “An-Nasr” tarkibida 9 ta o’yinda maydonga tushib, 2 ta golga mualliflik qildi. Uning Transfermarkt’dagi narxi 20 million yevroga baholanmoqda.
