Saudiyaning “An-Nasr” klubi hujumchisi Krishtianu Ronaldu Braziliyaning ikki afsonaviy futbolchilari Ronaldo va Ronaldinyoning o’yinlarini ko’rib katta bo’lganligini tan oldi.
“Men taqqoslashni yoqtirmayman. Ular futbolga o’z merosini qoldirishgan. Aniq aytishim mumkin: men ulardan ko’ra ko’proq individual sovrinlarni qo’lga kiritdim. Ammo ular Jahon chempionatida g’alaba qozonishdi.
Men bu o’yinchilarni juda yaxshi ko’raman. Ularning o’yinlarini ko’rib katta bo’lganman. Ularning qaysi biri yaxshiroq ekanligi unchalik muhim emas”, – deydi Ronaldu.
Ma’lumot uchun, Ronaldu joriy mavsum barcha musobaqalarda 4 ta o’yinda maydonga tushib, 4 ta gol va 2 ta golli uzatmani amalga oshirdi. Uning “An-Nasr” bilan tuzgan amaldagi shartnomasi 2025-yilning yozida yakuniga yetadi.
