Saudiya Arabistonining to’rtta klubi “Inter Mayami” hujumchisi Lionel Messiga qiziqish bildirmoqda. Bu haqda TEAMtalk xabar berdi.
Avvalroq Saudiya Arabistoni davlat investitsiya jamg’armasi Messi bilan ehtimoliy transfer bo’yicha muzokaralarni qayta boshlagani xabar qilingandi.
Manbaga ko’ra, agar Messi transferga rozi bo’lsa, faoliyatini “Al-Ahli”, “Al-Hilol”, “Al-Ittihod” yoki “An-Nassr” klublaridan birida davom ettirishi mumkin.
Ma’lumot uchun, Messining “Inter Mayami” bilan tuzgan amaldagi shartnomasi joriy yilning oxirida yakuniga yetadi. Uning Transfermarkt’dagi narxi 20 million yevroga baholanmoqda.
