O’zbekiston milliy terma jamoasi hujumchisi Husayn Norchayev Portugaliyaning “Braga” klubiga o’tishi xabar qilingandi.
Biroq, bizga yetib kelgan ma’lumotlarga ko’ra, transfer barbod bo’lgan. Bunga sabab esa, Norchayev Portugaliyaga viza ololmagan.
O’zbekistonda Portugaliya elchixonasi hamda vakolatxonasi yo’q. Shu boisdan futbolchining agentlari Toshkentdagi Fransiya elchixonasi orqali Rossiyadagi Portugaliya elchixonasiga aloqaga chiqishgan.
Ammo Portugaliya elchixonasi xodimlari qisqa muddatda viza tayyorlab bera olmasliklarini va futbolchidan dushanba kuni Moskvaga uchib kelishini so’rashgan.
Biroq, Norchayev dushanba kuni Moskvada emas, balki Portugaliyada bo’lishi kerak edi. Chunki Portugaliyada transferlar oynasi 3-fevral kuni rasman yopiladi.
Shu sababli mazkur transfer amalga oshmaydigan bo’ldi.
