Puerto-Rikolik voleybolchi qiz Pilar Mari Viktoriya Lopes o’limining dastlabki sabablari ma’lum bo’ldi. Bu haqda Gibby xabar bermoqda.
Manbaga ko’ra, voleybolchining o’limi zo’ravonlikdan kelib chiqmagan. Uning oshqozon osti bezida qon ketishi aniqlangan.
Qayd etilishicha, Pilar Mari o’limidan oldin jamoadoshi Yuliya Shchurovskaya bilan uyiga yaqin bo’lgan restoranlardan birida qo’ziqorin va tovuqli salat yegan, so’ng ikkita og’riq qoldiruvchi dori ichib, uyiga ketgan.
Bursa politsiyasi Pilar Marining o’limi sabablarini diqqat bilan o’rganmoqda, uning aniq sababi tekshiruvlardan so’ng ma’lum bo’ladi.
Eslatib o’tamiz, avvalroq “Nilufer” voleybol klubining 28 yoshli sportchisi Pilar Mari Viktoriya Lopes Turkiyadagi kvartirasida o’lik holda topilgani haqida xabar berilgandi.
