Parijda bo’lib o’tayotgan Paralimpiya o’yinlarida italiyalik eshkak eshuvchi Jakomo Perini qayig’ida bo’lgan telefon sabab bronza medalidan mahrum etildi. Bu haqda Reuters xabar bermoqda.
Manbaga ko’ra, 21 yoshli sportchi PR1 toifasida erkaklar o’rtasidagi yakkalik bahslarida uchinchi o’rinni qo’lga kiritgandi.
Xalqaro eshkak eshish federatsiyasi sportchini poyga vaqtida aloqa vositalaridan foydalanganlikda ayblab, uni diskvalifikatsiya qilinganini e’lon qildi. Bu holat qoidalarni buzish hisoblanadi.
Perinining o’zi esa telefonni qayiqdagi kichik sumkasida qoldirganini, uni ichida maxsus idishda suv ham borligini va musobaqa davomida mobil telefondan foydalanmaganini ham ta’kidlagan.
Italiya eshkak eshish federatsiyasi apellyatsiya bergan, biroq u rad etilgan. Endilikda esa bu qaror yuzasidan Butunjahon eshkak eshish bo’yicha ijroiya kengashi shikoyat qilishi kutilmoqda.
