Kataloniyaning “Barselona” klubi yarim himoyachisi Dani Olmo qachon maydonga qaytishi ma’lum bo’ldi.
Marca nashrining xabariga ko’ra, Olmo Ispaniya La Ligasining navbatdagi turida “Jirona”ga qarshi bahsda qatnashishi mumkin.
Manbaga ko’ra, futbolchi jarohatidan forig’ bo’lgan. Faqat unda kichik jarohat bor, biroq bu bo’lajak o’yinlarda unga to’sqinlik qilmaydi.
Eslatib o’tamiz, Dani UEFA Millatlar Ligasi doirasidagi Serbiyaga qarshi o’yinda tizzasidan jarohat olgandi.
Ma’lumot uchun, Olmo kataloniyaliklar safiga avgust oyida kelib qo’shildi. Uning “Barselona” bilan tuzgan amaldagi shartnomasi 2030-yilga qadar amal qiladi.
