Super yarimo’rta vazn toifasida sobiq WBA chempioni, hamyurtimiz Isroil Madrimovning navbatdagi raqibi va jang sanasi ma’lum bo’ldi.
Unga ko’ra, vakilimiz 21-dekabr kuni Ar-Riyod shahrida tashkil etiladigan “Usik – Fyuri II” oqshomida ringga ko’tarilishi mumkin.
Madrimovga shu kuni ukrainalik Sergey Bogachuk raqiblik qilishi kutilmoqda. Ayni damda tomonlar jang bo’yicha muzokaralarga kirishgan.
Eslatib o’tamiz, Madrimov o’zining so’nggi janggini Terens Kroufordga qarshi o’tkazgan va hakamlarning qarori bilan mag’lub bo’lgan.
Sergey Bogachuk esa o’zining oxirgi janggini Verjil Ortisga qarshi o’tkazgan va u ham imkoniyatni boy bergan.
