Kataloniyaning “Barselona” klubi va Urugvay terma jamoasi sobiq futbolchisi Luis Suares “ko’k-anorranglilar”ga himoyachi Ronald Arauxo bilan muzokaralarda yordam berdi.
Mundo Deportivo xabariga ko’ra, hozirda “Inter Mayami” klubida to’p surayotgan Suares o’z hamyurti Arauxoni jamoani tark etmaslikka ko’ndirgan.
Manbaga ko’ra, Arauxoda faoliyatini “Bavariya”da davom ettirish imkoniyati bor edi, biroq Luisning yordami bilan “Barselona” tajribali himoyachisini saqlab qolishga muvaffaq boʻldi.
Ma’lumot uchun, Ronaldning kataloniyaliklar bilan tuzgan amaldagi shartnomasi 2026-yilning o’rtalariga qadar mo’ljallangan. Uning Transfermarkt’dagi narxi 70 million yevroga baholanmoqda.
