Ispaniya terma jamoasi va Madridning “Real” klubi himoyachisi Dani Karvaxal futbolchilik faoliyatini qachon yakunlashi haqida gapirdi.
“Hozir bu haqida o’ylashga erta. “Real” bilan amaldagi kelishuvim bor. Men futboldan, har bir mashg’ulotdan zavqlanishda davom etmoqchiman. Yillar o’tib, har bir lahzani qadrlash kerak degan tushuncha paydo bo’ladi.
Klub bilan yaxshi munosabatdaman. Agar biz kelgusi hamkorlik bo’yicha ham kelishib olsak, men mamnuniyat bilan shu yerda qolaman”, – deydi Karvaxal.
Ma’lumot uchun, Dani “Real” tarbiyalanuvchisi hisoblanadi. U o’tgan mavsum La Liga va UEFA Chempionlar ligasi g’olibi bo’lgan.
