Ugandalik yengil atletikachi, 2024-yilgi Olimpiada ishtirokchisi Rebekka Cheptegi vafot etdi. Bu haqda mamlakat Milliy olimpiya qo’mitasi xabar berdi.
Manbaga ko’ra, Cheptegi 1-sentyabr kuni sevgilisi Dikson Ndiem bilan janjallashib qolgan. Natijada Dikson Cheptegini ustiga benzin quyib yoqib yuborgan.
33 yoshli Cheptegi tanasining 75 foizi kuygan holatda kasalxonaga yotqizilgan. Shifokorlar uning hayotini saqlab qolish uchun bir necha kun kurashishgan, ammo bu hech qanday natija bermagan. Chorshanba kuni Cheptegining barcha organlari ishlamay qolgan.
Ma’lumot uchun, Parij-2024 Olimpiadasida Rebekka Cheptegi marafon musobaqasida 44-o’rinni egallagan edi.
