Saudiyaning “An-Nasr” klubi hujumchisi Krishtianu Ronaldu 2026-yilgi Jahon chempionatida ishtirok etadimi yoki yo’q shu haqida fikr bildirdi.
“Kayfiyatim yaxshi. Lekin 2026-yil haqidagi savolga javob bera olmayman.
Millatlar Ligasida muvaffaqiyat qozonishga harakat qilamiz. Ammo 2026-yil? Oldinda hali ko’p yil bor”, – deydi Ronaldu.
Eslatib o’tamiz, oxirgi Jahon chempionatida Portugaliya terma jamoasi chorak final bosqichida Marokashga imkoniyatni boy berib (0:1), musobaqa bilan xayrlashgandi.
Ma’lumot uchun, 2026-yilgi Jahon chempionati AQSh, Kanada va Meksikada bo’lib o’tadi.
