Yarim o’rta vazn toifasida UFC jangchisi Shavkat Rahmonov divizionning amaldagi chempioni Bilol Muhammad UFC 307 turnirida o’z kamarini himoya qilishdan bosh tortganini aytdi.
“Aslida menga Bilol Muhammad bilan jang qilishni taklif qilishdi va men rozi bo’ldim. Ammo, afsuski, Muhammad vaqt muammosi sabab men bilan jang qilishdan bosh tortdi. U oktyabr oyida kamarini himoya qilishga tayyor emas edi.
Umid qilamanki, men u bilan jang qila olaman. Garchi, eslatib o’taman, bu odam o’z kamarini tez-tez himoya qiladigan chempion bo’lishini takidlagandi”, – deydi Rahmonov.
Eslatib o’tamiz, Bilol Muhammad UFC 304 turnirida sobiq chempion Leon Edvardsni mag’lub etib, divizionning yangi chempioniga aylangandi.
