Londonning “Chelsi” klubi “Brentford” forvardi Ivan Toni transferi ustida ish boshladi.
Sky Sports xabariga ko’ra, londonliklar markaziy hujumchi pozitsiyasi uchun Tonini olib kelmoqchi. “Brentford” futbolchisi klubning maosh tizimiga ham to’g’ri keladi va uni qulay narxda transfer qilishi mumkin.
Shuningdek, Toniga Saudiyadan ham takliflar borligi aytilmoqda.
Ma’lumot uchun, forvard o’tgan mavsum Premyer-ligada jami 17 ta o’yinda maydonga tushib, 4 ta gol va 2 ta golli uzatmani amalga oshirdi. Uning Transfermarkt’dagi narxi 50 million yevroga baholanmoqda.
