Moskvaning SSKA klubi futbolchisi Abbosbek Fayzullayev jamoasining yangi mavsumdagi holati haqida gapirdi.
“Hozirgi holatimiz haqida nima deya olaman? Hali kurash oldinda. SSKA yuz foiz yaxshilanadi, men bunga aminman. Biz, albatta, eng yuqori o’rinlar uchun kurashamiz. Men kelajakka nekbinlik bilan qarayman”, – deydi Fayzullayev.
Ma’lumot uchun, Fayzullayev joriy mavsum SSKA safida 5 ta o’yinda maydonga tushib, bitta golli uzatmani amalga oshirdi. Uning moskvaliklar bilan tuzgan amaldagi shartnomasi 2026-yilning yozida yakuniga yetadi.
