Madridning “Real” klubi yarim himoyachisi Luka Modrich Xorvatiya terma jamoasidan chaqiruv oldi.
Kelasi oyda xorvatlar Millatlar Ligasi doirasida Portugaliya (5-sentyabr) va Polshaga (8-sentyabr) qarshi o’yin o’tkazadi.
Ma’lumot uchun, Modrich 9-sentyabr kuni o’zining 39 yoshini qarshi oladi. U 2006-yilning 1-martida terma jamoada debyut qilgan. O’shandan beri futbolchi jami 178 ta o’yinda maydonga tushib, 26 ta gol va 29 ta golli uzatmaga mualliflik qilgan.
Eslatib o’tamiz, Luka Modrich shu yozda “Real” bilan bir mavsumga mo’ljallangan yangi shartnoma imzoladi.
