“Roma” klubi hujumchisi Paulo Dibala Italiyaning boshqa bir grand klubiga taklif qilindi.
Corriere della Sera xabariga ko’ra, futbolchining vakillari Dibalani “Inter”ga taklif qilishgan. Biroq “neradzurrilar” o’z tarkibini yoshartirmoqchiligini, shuning uchun ushbu transferni amalga oshira olmasligini ma’lum qilgan.
Manbaga ko’ra, rimliklar 30 yoshli futbolchining yuqori maoshi sabab uni sotishga qaror qilgan. Saudiyaning “Al-Qodisiya” klubi argentinalik forvardni o’z safiga qo’shib olishga tayyorligini bildirgan. Ammo Dibalaning o’zi Yevropani tark etishni istamasligini aytgan.
Ma’lumot uchun, Dibala o’tgan mavsum “Roma” safida 39 ta o’yinda maydonga tushib, 16 ta gol urdi va 10 ta golli uzatmani amalga oshirdi.
