Yevropa Ligasi umumiy bosqichining so’nggi turida Rimning “Roma” klubi o’z maydonida “Ayntraxt”ni qabul qildi va 2:0 hisobida g’alaba qozondi.
Hamyurtimiz Eldor Shomurodov uchrashuvning 67-daqiqasida zaxiradan maydonga tushdi va ikki daqiqadan so’ng o’z hisobiga gol yozdirib qo’ydi.
SofaScore nashri o’yindan so’ng futbolchilarning harakatlarini baholab chiqdi. Unga ko’ra, Shomurodov 7,1 ballga loyiq ko’rildi va jamoasining eng yaxshi o’yinchilaridan biri bo’ldi.
