Madridning “Atletiko” klubi bosh murabbiyi Diego Simeone jamoa yangi mavsum boshlanmasidan oldin tarkib to’liq shakllanmaganligi haqida gapirdi.
“Yangi kelgan uch nafar futbolchi bilan shartnoma imzolaganimiz yaxshi bo’ldi. Biroq hali yana tarkibni to’ldirishimiz kerak.
Kelayotgan futbolchilar juda muhim. Hujumda Sorlot va Xulian Alvares, himoyada esa Robin Le Norman.
Hozirda tarkibni kuchaytirish borasida ish olib borilmoqda, chunki tarkibni yanada yaxshilash kerak. U hali to’liq shakllanmagan.
Biz rivojlanishda davom etamiz. Bugun biz yoshlarga yordam bera oladigan futbolchilarni tarkibga jalb qilishimiz kerak, shundagina ular bizga yordam bera oladi”, – deydi argentinalik mutaxassis.
Ma’lumot uchun, “Atletiko” o’tgan mavsum La Ligada to’rtinchi o’rinni egalladi. Klub 19-avgust kuni “Vilyareal”ga qarshi o’yin bilan yangi mavsumni boshlaydi.
