FIFA klublarning qishki transferlar oynasida sarflagan umumiy summasini ma’lum qildi.
Unga ko’ra, jamoalar yanvar oyida jami 2,35 milliard dollarlik 5863 ta transferni amalga oshirdi. Ta’kidlash joizki, nafaqat sarflangan pullar, balki transferlarning soni bo’yicha ham rekord o’rnatildi.
Angliya klublari qishda eng ko’p pul sarfladi (621,6 million dollar). Kuchli beshlikdan Germaniya (295,7 million dollar), Italiya (223,8 million dollar), Fransiya (209,7 million dollar) va Saudiya Arabistoni (202,1 million dollar) jamoalari o’rin oldi.
Eslatib o’tamiz, yanvar oyida bir nechta yuqori darajadagi transferlar amalga oshirildi. Jumladan, Xvicha Kvaratsxeliya “Napoli”da PSJ’ga, Jon Dyuran “Aston Villa”da “An-Nassr”ga, Abduqodir Husanov esa “Lans”dan “Manchester Siti”ga o’tdi.
