Nigeriyalik UFC jangchisi Israel Adesanya o’rta vazn toifasida amaldagi chempion, janubiy afrikalik Drikus dyu Plessi qarshi bo’lajak jang oldidan tashkil etilgan matbuot anjumanida og’zaki janjaldan so’ng yig’lab yubordi.
Adesanya: “Og’zingni yum, sen mening o’tmishim haqida hech narsa bilmaysan. Sen mening kimligimni bilmaysan”.
Dyu Plessi: “Menga sening o’tmishing qiziq emas. U meni qiziqtirmaydi”.
Adesanya: “Otam va men ertalab soat to’rtda turishimiz va onam hamshiralikka o’qiyotgan paytda ishlashimiz kerak edi. Sen mening lanati o’tmishimni bilmaysan. Men haqimda gapirma. Jangda men senga hamma narsani ko’rsataman, lekin endi jim bo’l”.
Dyu Plessi: “Men kuta olmayman. Men Afrikaning birinchi amaldagi chempioniman. Men birinchiman”.
Adesanya: “Men buni oilam uchun, sevgan insonlarim uchun qilaman. Men oddiy odamman, men erkakman, bir vaqtning o’zida yig’lab, ko’nglingni og’ritib qo’yishim mumkin. Yakshanba kuni men sening orzularingni o’ldiraman”.
Eslatib o’tamiz, Israel Adesanya va Drikus dyu Plessi o’rtasida jang 17-avgustdan 18-avgustga o’tar kechasi tashkil etiladigan UFC 305 turnirda bo’lib o’tadi.
