“Sevilya”da ijarada o’ynayotgan “Atletiko” yarim himoyachisi Saul Niges “Barselona”ning 17 yoshli vingeri Lamin Yamalni Messi va Ronaldu bilan taqqoslash haqida gapirdi.
“Agar Yamalda hamma narsa yaxshi bo’lishini xohlasangiz, bunday taqqoshlashlarni to’xtatish kerak. Messi va Ronaldu umuman boshqa daraja.
Menimcha, hech kimni ular bilan solishtirib bo’lmaydi. Ular 10, 15, 20 yil davomida eng yuqori saviyada o’ynagan va aqlbovar qilmaydigan natijalarga erishgan futbolchilardir”, – deydi Saul.
Ma’lumot uchun, Yamal joriy mavsum La Ligada 19 ta o’yinda maydonga tushib, 5 ta gol urdi va 10 ta golli uzatmani amalga oshirdi. Uning Transfermarkt’dagi narxi 180 million yevroga baholanmoqda.
