UEFA Superkubogi bahsida “Real” va “Atalanta” o’zaro bahs olib bordi va yakunda madridliklar 2:0 hisobida g’alaba qozondi. Uchrashuvdagi gollarga Federiko Valverde va Kilian Mbappe mualliflik qildi.
Ushbu g’alaba bilan “Real” bosh murabbiyi Karlo Anchelotti klub tarixida qo’lga kiritilgan sovrinlar bo’yicha Migel Munosga tenglashib oldi (14 ta).
Ikkinchi o’rinni “Real” bilan 11 ta sovrinni qo’lga kiritgan Zinedin Zidan egallab turibdi. Kuchli beshlikni Luis Molouni (8 ta) va Visente Del Boske (7 ta) yakunlab bergan.
Anchelotti “Real”ga ikki marta bosh murabbiy qilib tayinlangan. Ilk bor italiyalik mutaxassis 2013/2014-yilgi mavsumdan 2014/2015-yilgi mavsumgacha “Qirollik klubi”da faoliyat yuritgan. Bu davr ichida klub bilan 4 ta sovrinni qo’lga kiritgan.
2021/2022-yilgi mavsumda murabbiy ikkinchi bor madridliklar bosh murabbiyi etib tayinlangan. Uch mavsum davomida Karlo Anchelotti qo’l ostida “qaymoqranglilar” 10 sovrinni, shu jumladan, 2 ta Chempionlar ligasini qo’lga kiritgan.
