Kataloniyaning “Barselona” klubi “Milan” hujumchisi Rafael Leauga qiziqish bildirmoqda. Bu haqda El Nacional xabar berdi.
Manbaga ko’ra, 25 yoshli futbolchi uchun italyan klubi 100 million yevro talab qilmoqda. Biroq bu ispan grandiga og’irlik qiladi va ular “pul+futbolchi” formatidagi kelishuv taklif qilmoqchi.
Qayd etilishicha, ushbu transferga “rossonerilar” bosh murabbiyi Serxio Konseysaoning dididagi ispaniyalik vingeri Ferran Torres ham qo’shilish mumkin.
Ma’lumot uchun, Leau joriy mavsum klub safida jami 31 ta o’yinda maydonga tushib, 9 ta gol urdi va 7 ta golli uzatmani amalga oshirdi. Uning Transfermarkt’dagi narxi 75 million yevroga baholanmoqda.
