“Roma” hujumchisi Paulo Dibala faoliyatini Saudiyaning “Al-Qodisiya” klubida davom ettirishga yaqin turibdi.
Fabritsio Romanoning xabariga ko’ra, argentinalik hujumchi “Al-Qodisiya” bilan shaxsiy shartnoma shartlari borasida kelishib olgan. Hozirda “Roma” bilan muzokaralar davom etmoqda.
Manbaga ko’ra, Dibala saudiyaliklar bilan 2027-yilga qadar mo’ljallangan shartnoma imzolaydi. Forvard yangi jamoasida yiliga 15 million yevro maosh oladi.
Ma’lumot uchun, Dibala o’tgan mavsum “Roma” safida 39 ta o’yinda maydonga tushib, 16 ta gol urdi va 10 ta golli uzatmani amalga oshirdi.
