“Barselona”ning ispaniyalik vingeri Lamin Yamal Saudiya Arabistoni chempionati klublari e’tiborini tortmoqda. Bu haqda El Nacional xabar bermoqda.
Manbaga ko’ra, saudiyaliklar futbolchiga bir necha million dollarlik shartnomalar taklif qilishga tayyor. Yamalning agenti Xorxe Mendesh “Barselona” prezidenti Xuan Laportani mijoziga Yaqin Sharqdan qiziqish bo’layotgani haqida ogohlantirgan.
Biroq, ta’kidlanishicha, Laminning o’zi Kataloniyada qolishni istaydi. 18 yoshga to’lgandan so’ng esa shartnomasini uzaytirmoqchi.
Ma’lumot uchun, Yamalning “Barselona” bilan tuzgan amaldagi shartnomasi 2026-yilning yoziga qadar mo’ljallangan. Uning Transfermarkt’dagi narxi 180 million yevroga baholanmoqda.
