Madridning “Real” klubi hujumchisi Rodrigo jamoani tark etish niyatida emas.
Avvalroq, matbuotda braziliyalik futbolchiga “Man. Siti” qiziqish bildirayotgani haqida ma’lumotlar paydo bo’lgandi.
AS nashrining xabariga ko’ra, Rodrigo “Qirollik klubi”ni tark etish haqida o’ylamayapti.
Qayd etilishicha, futbolchi “Real”da baxtli va jamoadoshlari, xususan, bosh Karlo Anchelotti ham unga ishonch bildirmoqda.
Ma’lumot uchun, Rodrigo o’tgan mavsum La Ligada 34 ta o’yinda maydonga tushib, 10 ta gol va 5 ta golli uzatmani amalga oshirdi. Uning “qaymoqranglilar” bilan tuzgan amaldagi shartnomasi 2028-yilga qadar amal qiladi.
