Londonning “Vest Xem” klubi erkin agent maqomida yurgan yarim himoyachi Gvido Rodrigesni o’z safiga qo’shib olmoqchi. Tomonlar hozirda muzokara olib bormoqda.
Xabarlarga ko’ra, Gvidoning oldida bir necha variantlar bor, ammo futbolchining o’zi “Vest Xem”ga o’tishga moyillik bildirgan.
Ma’lumot uchun, Gvido 2020/2024-yillar oralig’ida “Real Betis” safida to’p surgan. Shu davr ichida u La Ligada 139 ta uchrashuv o’tkazib, 6 ta gol va 2 ta golli uzatmani o’z nomiga yozdirib qo’ygan.
