“Manchester Yunayted” va “Real Betis” o’rtasidagi o’rtoqlik uchrashuvida mankunianliklar yana bir yo’qotishga uchradi.
Bahsning 18-daqiqasida Markus Reshford penaltini aniq amalga oshirib, jamoasini hisobda oldinga olib chiqdi. Shundan so’ng biroz vaqt o’tgach Reshford chap oyog’ining to’piq qismida og’riq his qilgan va maydonni oqsoqlangan holda tark etgan.
Jarohatning qanchalik jiddiyligi esa hozircha noma’lum. Markus hozirda shifokorlar nazoratida ekanligi aytilmoqda. Ammo ko’pgina nashrlar hujumchi kamida 4-6 haftaga safdan chiqqanini ta’kidlamoqda.
Ma’lumot uchun, bundan avvalgi o’yinlarda “MYU”ning ikki nafar futbolchisi: Leni Yoro (3 oyga) va Rasmus Xoylund (6 haftaga) jarohat olib, safdan chiqqanligi xabar qilingandi.
