“Bavariya” futbolchilari joriy mavsum muvaffaqiyatli boshlanganiga qaramay, bosh murabbiy Vensan Kompanining ayrim harakatlaridan norozi bo’lmoqda. Bu haqda Goal nashri xabar berdi.
Manbaga ko’ra, Kompani o’yin boshlanishiga bir kun qolganida futbolchilarga telefon orqali bo’lajak o’yin uchun asosiy tarkibni e’lon qiladi. Bu esa o’yinchilarga yoqmayapti.
Bundan tashqari, futbolchilar Kompanining tarkibni almashtirishga bo’lgan yondashuvini ham tushunmayapti, masalan, jamoaning tajribali a’zolari ma’lum bir o’yinlarda zahirada qolib ketyapti.
Eslatib o’tamiz, Vensan 2024-yilning may oyida “Bavariya” bosh murabbiyi etib tayinlangandi. Myunxenliklar yangi mutaxassis qo’l ostida joriy mavsumda biron marta ham mag’lub bo’lgani yo’q.
