Madridning “Real” klubi hujumchisi Kilian Mbappe bolalikdagi orzusini amalga oshirib, Yevropada futbol klubining eng yosh egalaridan biriga aylandi. Bu haqda Euronews xabar bermoqda.
25 yoshli futbolchi Fransiyaning “Kan” klubi aksiyalarining 80 foizini sotib olish uchun 20 million yevro to’laydi. Qolgani qismi esa kuzatuv kengashi raisi Pyer-Antuan Kaptonga tegishli.
Ma’lumotlarga qaraganda, tomonlar o’rtasidagi muzokaralar bir necha haftadan beri davom etmoqda va tez orada yakunlanishi mumkin.
Kelishuv natijasida “Real” yulduzi o’tgan mavsum Fransiya ikkinchi dvizionida oltinchi o’rinni egallagan “Kan” klubining 80 foiz aksiyalariga ega chiqadi. Kilian faoliyatining boshida “Kan” bolalar jamoasida o’ynagan, ammo bir qancha to’siqlar sabab klub akademiyasiga kira olmagan.
