“Barselona” yarim himoyachisi Frenki de Yong klub bilan shartnomasini uzaytirishga shoshilmayapti.
Ma’lumotlarga qaraganda, gollandiyalik futbolchi hozircha klubning shartnomani uzaytirish haqidagi takliflariga e’tibor qaratmayapti. “Barselona” esa de Yongni sotish haqida o’ylamoqda. Uning “ko’k-anorranglilar” safidagi yillik maoshi 37,5 million yevroni tashkil qiladi.
Ma’lumot uchun, de Yong 2019-yilning yozida “Ayaks”dan “Barselona” safiga kelib qo’shilgandi. Bu davr ichida futbolchi barcha turnirlarda 213 ta uchrashuvda maydonga tushib, 17 ta gol urdi va 21 ta golli uzatmani amalga oshirdi. “Transfermarkt” uning narxini 70 million yevroga baholamoqda.
