AQSH futbol federatsiyasi germaniyalik murabbiy Yurgen Kloppga qiziqish bildirmoqda.
Amerika Kubogidagi muvaffaqiyatsiz ishtirokdan so‘ng terma jamoa murabbiyi Gregg Berxalter iste’foga chiqarilgan edi.
The Independent nashrining xabariga ko‘ra, federatsiya allaqachon “Liverpul”ning sobiq ustoziga aloqaga chiqqan. Rahbariyat Klopp termani JCH—2026 musobaqasiga tayyorlashini xohlamoqda. Nemis mutaxassisi ham taklif haqida jiddiy o‘ylab ko‘rmoqchi.
Eslatib o‘tamiz, Klopp mavsum yakunida “Liverpul”ni tark etdi.
56 yoshli germaniyalik mutaxassis 2015-yilning 8-oktyabrida Angliyaning “Liverpul” klubi boshqaruviga kelgan. Bu vaqt ichida Yurgen Klopp “qizillar” bilan yettita sovrinni qo‘lga kiritdi. Klopp qo‘l ostida “Liverpul” Chempionlar Ligasi, Premyer Liga, Liga Kubogi, Angliya Kubogi, UEFA Superkubogi va klublar o‘rtasidagi jahon chempionatida g‘olib chiqdi.
