Dunyoning ikkinchi raqamli tennischisi Novak Jokovich o’z sovrinlari kolleksiyasiga o’zi uchun juda muhim bo’lgan sovrinni qo’shib qo’ydi.
Parijda o’tkazilayotgan yozgi Olimpiya o’yinlarida serbiyalik tennischi oltin medalni qo’lga kiritdi. U bu sovrinni juda-juda xohlagandi. Vanihoyat bunga 37 yoshida erishdi.
Final uchrashuvida Jokovich ispaniyalik tennischi Karlos Alkaraz bilan kurash olib bordi. Uchrashuv 7:6, 7:6 hisobida Jokovich foydasiga hal bo’ldi.
Eslatib o’tamiz, Jokovich birinchi davrada Metyu Ebdenni, ikkinchi davrada Rafael Nadalni, uchinchi davrada Dominik Kyopferni, chorak finalda Stefanos Tsitsipasni va yarim finalda Lerenzo Muzettini mag’lub etgandi.
