AQSh prezidenti Donald Tramp 2028-yilda Los-Anjelosda bo’lib o’tadigan Olimpiadada transgenderlarning ishtirok etishiga ruxsat bermasligini aytdi.
Tramp bugun, 6-fevral kuni transgenderlarning Amerika universitetlarida ayollar o’rtasidagi sport musobaqalarida ishtirok etishini taqiqlovchi farmonni imzoladi.
“Biz bunga yo’l qo’ymaymiz. Bu holat hozir tugaydi va bu haqda hech kim e’tiroz bildira olmaydi.
Agar siz bir mamlakatga kelib, o’zingizni ayolman deb da’vo qilsangiz, lekin aslida erkak bo’lsangiz va siz ayollar bilan raqobatlashmoqchi bo’lsangiz, uni firibgarlik uchun tekshiramiz.
O’tgan yilgi Parij Olimpiadasida erkak bokschi raqibalarini kaltaklab, ayollarni oltin medalini o’g’irlaganini kim eslay oladi?”, – deydi Tramp.
Eslatib o’tamiz, Parij-2024 Olimpiadasida ko’plab muhokamalarga sabab bo’lgan jazoirlik bokschi Iman Xelif yakunda oltin medalni qo’lga kiritgandi.
