“Inter Mayami” klubi hujumchisi Lionel Messining tansoqchisi Yassin Chueko videobloger va bokschi Logan Polga murojaat qildi.
Eslatib o’tamiz, Logan 2021-yildan buyon “Prime” nomli energetik ichimliklar ishlab chiqaradi. Messi esa o’tgan yili “Mas+” brendiga asos soldi va bu Loganning savdosiga jiddiy zarar yetkazdi.
Shundan so’ng, Pol “Mas+” ichimligi ulardan nusxa ko’chirgani va tarkib e’tiboridan “Prime” bilan bir xilligini aytib, sudga murojaat qildi.
Keyinchalik Logan agar Leo unga qarshi jang qilishga rozi bo’lsa, da’vo arizasini qaytarib olishga so’z berdi:
“Bu savdo belgisining buzilishi. Qasam ichamanki, agar… Logan Pol va Messi janggi bo’lib o’tsa, da’vodan voz kechish haqida o’ylab ko’raman. Ringda ko’rishguncha, bro!”.
Ushbu voqealardan so’ng Chueko Messi Logan Polning kimligini ham bilmasligini, ammo agar xohlasa u bilan jang qilishi mumkinligini aytdi.
“Leo bu yigitni kimligini ham bilmaydi. Agar u chindan ham jang qilmoqchi bo’lsa, futbolchi bilan emas, men bilan jang qilishi mumkin”.
Yassin bir yarim hafta oldin jo’natgan chaqiruviga javob olmagach, yana bir bor Loganga murojaat qildi.
“Eshit, Logan, men bu murojaatni yana jo’natyapman. Chunki odamlar mendan jang qachonligi haqida so’rashyapti. Endi orqaga yo’l yo’q. Kel, muxlislar uchun bu ishni qilaylik!”, – deydi Chueko.
