Italiyaning “Milan” klubi jamoaning o’yinini kuchaytirish maqsadida olib kelingan barcha futbolchilarni ortga qaytarib yubordi. Bu haqda “rossonerilar” matbuot xizmati xabar bermoqda.
Manbaga ko’ra, Joau Feliks, Kayl Uoker va Rikkardo Sottilning ijara shartnomasi muddati yakunlangani sababli milanliklar bilan xayrlashishdi. Klub bu futbolchilarning birontasini tarkibda saqlab qolishni xohlamadi.
Eslatib o’tamiz, “Milan” o’tgan mavsum A Seriyada 63 ochko jamg’arib, turnirni sakkizinchi o’rinda yakunladi. Klub keyingi mavsum yevrokuboklarda ishtirok etmaydi.
