“Milan” “Chelsi”dan ijara olgan 25 yoshli portugaliyalik hujumchi Joau Feliksni to’liq sotib olmoqchi emas. Bu haqda Nikolo Skira xabar bermoqda.
Manbaga ko’ra, Feliks olti oylik ijara muddati tugaganidan so’ng yana Londonga qaytishi va jamoaning asosiy o’yinchilaridan biriga aylana olmasa, “Chelsi”ni tark etishi kutilmoqda.
Qayd etilishicha, portugaliyalik iqtidorning o’zi ham ko’proq o’yin vaqtiga ega bo’lishni istamoqda.
Eslatib o’tamiz, avvalroq OAV’da “Milan” Feliksni “Chelsi”dan 40 million yevroga sotib olishni rejalashtirayotgani haqida xabarlar tarqalgandi.
Ma’lumot uchun, 25 yoshli hujumchi joriy mavsum barcha turnirlarda 10 ta o’yinda maydonga tushib, bitta gol urdi va bitta golli uzatmani amalga oshirdi. Uning Transfermarkt’dagi narxi 30 million yevroga baholanmoqda.
