O’zbekiston U-17 terma jamoasi bosh murabbiyi Islombek Ismoilov Farg’onaning “Neftchi” klubida ish boshladi. Bu haqda jurnalist Bekzod Tolipov xabar bermoqda.
Manbaga ko’ra, Ismoilov “Neftchi” U-21 bosh murabbiyi etib tayinlangan. Jarayon shaxsan viloyat bo’limi Xayrullo Bozorovning taklifiga ko’ra amalga oshgan.
Qayd etilishicha, yosh mutaxassis parallel tarzda O’zbekiston U-17 terma jamoasi bosh murabbiyi lavozimida ham faoliyat olib boradi.
Eslatib o’tamiz, Islombek Ismoilov boshchiligidagi U-17 terma jamoamiz Saudiya Arabistoni mezbonlik qilgan Osiyo Kubogida bosh sovrinni, shuningdek, joriy yilning noyabr oyida bo’lib o’tadigan o’smirlar o’rtasidagi Jahon chempionatiga yo’llanmani ham qo’lga kiritgan.
