“Inter”ning eronlik hujumchisi Mehdi Taremi Isroilning havo hujumlari tufayli o’z mamlakatini tark eta olmadi. Bu haqda La Gazzette dello Sport xabar bermoqda.
Manbaga ko’ra, Taremi Klublar o’rtasidagi Jahon chempionatida ishtirok etish uchun Tehronda uchib ketishi kerak edi, biroq Eron havo hududi xavfsizlik nuqtai nazaridan yopilgan. Hozirda “Inter” 32 yoshli futbolchi bilan aloqada va vaziyatni hal qilishga urinmoqda.
Eslatib o’tamiz, Klublar o’rtasidagi Jahon chempionati 14-iyundan 13-iyulga qadar AQShda bo’lib o’tadi. Unda 32 ta jamoa 8 ta guruhga bo’lingan holda bosh sovrin uchun kurash olib boradi.
Ma’lumot uchun, “Inter” “E” guruhidan o’rin olgan. Ushbu guruhda milanliklarga “Urava Red Daymonds“, “Monterrey” va “River Pleyt” jamoalari raqiblik qiladi.
