UEFA Millatlar Ligasi final bosqichidan o’rin olgan bahsda Portugaliya va Ispaniya o’zaro to’qnash keldi. Asosiy va qo’shimcha daqiqalarda 2:2 hisobi qayd etildi. G’olib penaltilar seriyasida aniqlandi va unda Portugaliya 5:3 hisobida g’alaba qozondi.
Uchrashuvda hisob 21-daqiqada Martin Subimendi tomonidan ochildi. Ordan besh daqiqa o’tib Nuno Mendesh javob to’pini kiritdi. Bo’lim oxirida Oyarzabal ispanlarni yana hisobda oldinga olib chiqdi.
Ikkinchi bo’lim ham qizg’in kurashlar ostida o’tdi. 61-daqiqada Krishtianu Ronaldu o’z nomini tabloga yozdirib qo’ydi. Qolgan vaqt davomida hisob boshqa o’zgarmadi va jamoalar penaltilar seriyasiga murojaat qilishdi.
Penaltilar seriyasida Portugaliya barcha zarbalarni aniq amalga oshirdi. Ispaniya safida esa Alvaro Morata o’z imkoniyatini boy berdi. Shu tariqa Portugaliya UEFA Millatlar Ligasi chempioniga aylandi.
