“Roma” klubi hujumchisi Paulo Dibalaga Saudiyadan uchinchi bor taklif kelib tushdi.
Football Italia nashrining xabariga ko’ra, “Al-Qodisiya” argentinalik forvardni o’z safiga qo’shib olmoqchi. Bungacha Dibalaga “Al-Ahli” va “Al-Ittihod” taklif bilan chiqqandi.
Biroq, 30 yoshli hujumchi Saudiya chempionatiga o’tishni rejalashtirmayapti. U “Roma”da qolib, Argentina terma jamoasi safida o’ynamoqchi.
Ma’lumot uchun, Dibala o’tgan mavsum A Seriyada 28 ta o’yinda maydonga tushib, 13 ta gol va 9 ta golli uzatmaga mualliflik qildi.
