Joriy yilning 5-iyun kuni O’zbekiston milliy terma jamoasi JCh-2026 saralash bosqichining hal qiluvchi o’yinlaridan birini Abu-Dabida BAA’ga qarshi o’tkazadi.
Hozirda terma jamoamizni qo’llab-quvvatlash maqsadida fan-klub a’zolari bilan birgalikda 5 ming nafar O’zbekiston fuqarosini tomoshabin sifatida BAA’ga olib borish bo’yicha keng targ’ibot ishlari olib borilmoqda.
Mazkur vaziyat fonida Toshkent shahar turizm boshqarmasi shaharda turizm sohasida faoliyat yuritayotgan tadbirkorlik subyektlariga shu kunlarda turpaketlar orqali turistlarni BAA’ga yubormaslik choralarini ko’rishni tavsiya qildi.
Gap shundaki, uchrashuv bo’lib o’tadigan stadion hajmi 12 ming tomoshabinga mo’ljallangan. OFK qoidalariga ko’ra mezbon tomon mehmon tomonning muxlislari uchun sig’imning 8 foizini (960 nafar) ajratish majburiyatini oladi.
Bu esa o’zbekistonlik muxlislarning stadionga sig’maslik ehtimoli yuqori ekanini va xavfsizlik bilan bog’liq muammolarni keltirib chiqarishi mumkinligini anglatadi.
Shu munosabat bilan, BAA aeroportlarida xavfsizlik idoralari tomonidan O’zbekiston fuqarolarining qaytarib yuborishga asos sifatida taxmin qilinayotganligini inobatga olib, ushbu kunlari BAA turpaketlar orqali turistlarni yubormaslik choralarini ko’rish tavsiya etilgan.
