“Manchester Siti”ning asosiy darvozaboni Ederson Moraes jarohat olib safdan chiqdi. Bu haqda klub bosh murabbiyi Pep Gvardiola xabar berdi.
“Edersonning tiklanishi uchun qancha vaqt kerakligi hozircha noma’lum”, – deydi Gvardiola.
Ma’lumot uchun, braziliyalik darvozabon joriy mavsum barcha turnirlarda 33 ta o’yinda maydonga tushib, 47 ta gol o’tkazib yubordi va 9 ta o’yinda o’z darvozasi daxlsizligini saqlab qoldi.
“Manchester Siti” o’zining navbatdagi o’yinini APL’ning 33-turi doirasida “Everton”ga qarshi o’tkazadi. Uchrashuv 19-aprel kuni Toshkent vaqti bilan soat 19:00 da start oladi.
