Kataloniyaning “Barselona” klubi darvozaboni Voytsex Shesni asosiy tarkib uchun kurashda Inyaki Penyani ortda qoldirdi.
34 yoshli polshalik kiper “Barselona”ning so’nggi yettita o’yinidan beshtasida asosiy tarkibda harakat qildi. “Valensiya”ga qarshi o’yindan so’ng Hans-Diter Flik keyingi uchrashuvlarda ham Shesni xizmatidan foydalanishini ma’lum qilgan.
Jurnalist Laia Tudelning yozishicha, “Barselona”ning ba’zi futbolchilari bosh murabbiyning darvozabon tanlash borasidagi qaroridan norozi bo’lmoqda. Ular Penya birinchi raqamli bo’lishi kerak deb hisoblaydi.
Eslatib o’tamiz, Mark-Andre ter Shtegen jarohat olganidan so’ng “Barselona” oktyabr oyida Voytsex Shesni bilan shartnoma imzolagandi.
