O‘zbekiston milliy terma jamoasi yarim himoyachisi Jasurbek Yaxshiboyev faoliyatini Eron chempionatida davom ettiradi. 27 yoshli futbolchi “Nassaji Mazandaran” klubi bilan shartnoma imzolagan.
Xabar rasman tasdiqlanmagan, ammo ijtimoiy tarmoqda futbolchi klub bilan bitim imzolagani haqida rasmlar tarqaldi. Hozircha shartnoma necha yilga mo‘ljallangani va oylik maoshlari haqida ma‘lumotlar oshkor qilinmagan.
Eslatib o’tamiz, Yaxshiboyevning so’nggi ish joyi Qozog’istonning “Ordabasi” klubi edi. Shuningdek, hamyurtimiz faoliyati davomida “Legiya”, “Sherif”, “Shaxtyor”, “Paxtakor” va “Navbahor” jamoalarida ham to’p surgan.
