RMC Sport jurnalisti Fabris Xokins Madridning “Real” klubi hujumchisi Vinisius Junior Saudiya Arabistonidan kelgan katta taklifga qanday munosabatda bo’lganini aytdi.
Eslatib o’tamiz, avvalroq saudiyaliklar Vinisiusga 1 milliard yevro maosh bilan besh yillik shartnoma taklif qilgani haqida xabar berilgandi.
Shaxsiy suhbatlarda vinger bu taklifning o’ziga xos jihatlari va boshini aylantiruvchi summalar har qanday futbolchini o’ylantirib qo’yishini yashirmaydi.
Ma’lumot uchun, braziliyalik futbolchining “Real” bilan tuzgan amaldagi shartnomasi 2027-yilning yoziga qadar mo’ljallangan. Uning Transfermarkt’dagi narxi 200 million yevroga baholanmoqda.
