Fransiya terma jamoasining sobiq futbolchisi Patris Evra 2022-yilgi jahon chempionatida g‘alaba Lionel Messiga shunchaki berib yuborilganini aytdi.
“Yaxshi, biz 2018 yildan beri jahon chempionligini yuta olmayapmiz, lekin 2022 yilda Messining g‘alabasi oldindan hal qilinganini hammamiz bilamiz.
Hamma narsa aniq edi. Hatto fransuzlarning o‘zi ham Messining g‘alaba qozonishini xohlashgan… O‘yin boshidagi penalti…
Shaxsan men Deshamdan keyin keladigan insonga omad tilayman. Odamlar: “Yana bir yarim yil sabr qilish kerak”, deb gapirishganda, bu men uchun hurmatsizlikdan boshqa narsa emas”, — deydi Evra RMC Sport nashriga bergan intervyusida.
Eslatib o‘tamiz, JCh-2022 finalida Argentina terma jamoasi Fransiyani penaltilar seriyasida mag‘lub etgan edi.
