Londonning “Chelsi” klubi 74 million yevro evaziga “Sporting”dan ikki yosh futbolchini sotib oldi. Bu haqda lissabonliklar matbuot xizmati xabar berdi.
Manbaga ko’ra, inglizlar 17 yoshli portugaliyalik vinger Jovani Kenda va 20 yoshli himoyachi Dariu Esuga bilan shartnoma imzoladi.
Qayd etilishicha, Esuga 2025-yilning yozida, Kenda esa 2026-yilning yozida “aristokratlar” safiga borib qo’shiladi.
Ma’lumot uchun, Esuga joriy mavsum barcha turnirlarda 19 ta o’yinda maydonga tushib, bitta golga mualliflik qildi. Kenda esa 44 ta o’yin o’tkazib, 2 ta gol urdi va 8 ta golli uzatmani amalga oshirdi.
